Asaubota жігіт болды



Ескерту: оқиға жазушының фантазиясының байлығына байланысты фактілермен сәйкес болмауы мүмкін.

… Бүгін Сіз туылдыңыз. Ең алғаш дүние есігін ашқанда көргеніңіз көз шағылыстырар жарық… сосын… көзәйнектің артынан сұқтана қараған жанар… Ең алғаш естіген сөзіңіз «Ей, мынау өзі ұл ма қыз ба?.. әәә, ұл екен… құтты болсын мамаша. Мынауың жыламайды ғой ей». Шарт. Құйрығыңыз шыммм ете қалды. Ең алғашқы сөзіңіз: «Аййй, құдайым-ай,әлгі шляпалы жігіттен зәрезәп болған ем, енді мынау… Көрем дегенім осы ма еді..». Бұл сөзіңіз басқаларға іңгәләп естіліп жатты. "Құлыныммм",-деген жағымды дауыс естілді. Еріксіз жағымды дауыс иесіне қолыңызды соза бердіңіз…
1-апта өтті. Дәл осы күні бір мұртты ағай келді. Аузынан жағымсыз иіс шығады. Иісті туғызып отырған заттың арақ деп аталатынын, кейінірек оны өзіңіз де талай сүйсініп ішеріңізді білмедіңіз бірақ ол кезде. Мұртты кісі ернін бетіңізге тақап сілекейлей береді. -«Мамааааа». "Әй, мынауыңның қарны ашып жатыр ау дим"…
… Бүгін үштесіз. Туыстарыңыз жиналып қалған. Анаңыз шат-шадыман. Жақсы көретін тәтеңіз бір қорап «Ирис» әкеліп берген. Осы жағымды сәтті пайдаланып өзіңіз жауабын таба алмай жүрген (Әке-шешеңіз айтпай жүрген) бір сұрақ қоюға бекіндіңіз тәтеңізге. Құлағына тақалып, сыбырлап қана: — Тәте, мен қалай туылдым?..
— Уахахахаха, о тоба не дейді мына жүгермек… Тырна әкеліп тастап кеткен… уахахахаха…
… Тағы да түсініксіздік.
… Алтыдасыз. Бұрынғы тәтеңіз де отыр туылған күніңізде. – Тәте, сіз мені алдапсыз.
– Иии, не деп?..
— Мені тырна алып келмепті…
— Уахахахаааа әй мына жүгермекке кім үйретіп жүр мынаның бәрін…
Одан соң әрине, мектеп, бастауыш сынып… Ең алғашқы төбелес… Староста. Алғашқы махаббат… Бұзық досыңыз… Темекі… Соңғы қоңырау…
Студентсіз… Алты жасыңыздағы әңгіме есіңізге түссе еріксіз басыңызды шайқап күлесіз… (no comment....)
Үйлендіңіз. Жаңа өмір. Жаңа мама. Жаңа төс…
Алғашқыларыңыз дүниеге келді. Бұдан артық қуаныш бар ма?!!!
… Бір апта өтті. Аузыңыз арақ сасып тұр. Сақалыңыз өсіп кеткен… Барлық әкелік махабатыңызды кішкентай құрбақаға төгіп отырсыз… «Іңгәәәә, іңгәәә...»… «Әй мынаның қарны ашты ау дим, қатыыыыннн»…
Міне екіншісі дүниеге келді…
1-аптадан соң. Күхня. Барбаросса жоспары: — «Жаз, қатын. Бүгіннен бастап шығындарды азайту қажет. Туысқан, туған күн т.б. қоя тұрамыз екі-үш жыл. 5-6 ай қор жинап Астанаға көшеміз».
… Бүгін туған күніңіз… Барлығы шат-шадыман. Әйеліңіз ерекше пейілін көзімен-ақ білдіріп жүр. Тұңғышыңыз әжептәуір ер жетіп қалған. Тізеңізде отыр. «Папа, папа дим… бір сұрақ қойсам бола ма?.. Мен қалай туылдым?!!»…
— Ееее, балам…

Пы-сы: Құрметті де аса қымбатты Аsaubota мырза. Туылған күніңізбен. Сізге барлық жақсылықтарды тілейміз. Бақытты да бай болыңыз. Екеумен тоқталмай қазақтың санын көбейтіңіз.

Тағы да пы-сы: Сіздің 32.14.2011 жылғы 00012354521 «Туылған күндеріңді басқа әлеуметтік желілерде жариялау туралы» жарлығыңызды білеміз. Бірақ лиииибббооойй эксперттеріңізді шақырыңыз. Бұл әдеби шығарма… уот так-то.
Бөлісу:

35 пікір

Daniar-Alan
Мен бірінші болам ба десем Нұрғиса бірінші боп кетпті…
FaraOn1
пәленше деген жасыңыз, пәленше деген басыңыз
Бұқар жырауды елестетті
a63a1
 Сурет өртейд нақ
ErNur
 Жарайсың Данияр інішек! Керемет! Ареке туылған күнің құтты болсын!
asaubota
рахмет!

бірақ, фантазияңда сәйкестік аздау екен
salta
Үйлендіңіз. Жаңа өмір. Жаңа мама. Жаңа төс…
Мадес! еркектердің бәрі осылай ойлайды ма екен?
Aldeken
Менің ойлағаным аздық етіп жүр ме, жүректің майы?
Daniar-Alan
почти. олар әрине айтуы мүмкін типа жоооқ деп… бірақ ол қыздың: сен үшінші жігітімсің, біріншісімен тек қол ұстасып жүретінбіз..-деп айтқаны сияқты понятия…
satibaldi
Layers -> Flattern all layers; Filter -> Blur -> Gaussian blur, amount — 0,8
Abilakim
кейбір жерлерін тым әсерлеп жібергені болмаса жақсы екен.Ауыздың арақ сасуы, сақалдың өсуі гипербола болар
Daniar-Alan
ааа оны әдеби тілде солай айту керек. білмеппін.
sammita
тырна

аист қой, ләйлек)
Abilakim
сол күні Ләйлек ләйліп кетіп, орнына тырна шыққан деседі жұмысқа
KILYZAMAN
Мені тырна алып келмепті…
— А саубота сол кезде білген (Көк)құтан жайлы… Тәтесі болса, тырна деп мәз ;-)
sammita
көкқұтан-цапля ғой
KILYZAMAN
Солай.Де — түртіп алдым… Рахмет!
kokbori
Шынымен, екі мың онекіде ақырзаман болатын секілді. Қилыекең қазақша сөйледі. Үнемі бағып жүрем, түсінікті тілде сөйлер ме екен деп, сөйлесе қатттыыы қуанам
KILYZAMAN
Менің қазақшама қарап қалған ол қай ақырЗАМАН? Өттімебе ол заманнан деп жүрсем…
kokbori
Ешқашан өтіп кетпейсіз, Қилыекесі, Қиы қилы заман болар, қарағай басын шортан шалар, Ақырзаман болғанда су тартылар, қарап тұрған жігітке қыз артылар дегенді естіп едім
KILYZAMAN
Өййй, өтірігіңді айтпаш… Ала қойды бөле қырқып жүнге жарыған заман болдыма өзі? Ол қай кез?
kokbori
белгісі бүгінге келіп тұрған сияқты көрінбей ме, Қилыекесі?
KILYZAMAN
Бір Алладан тоқсан тоғыз Алла жасаған жасапмпаз пенделер не көрсетпей жатыр?
GulL
C Туған Күнім Вас!
Kipshakkyzy
Суретті өлтіріпті!
AL-ASTER
Туған күн құтты болсын!
dark_nazgul
Туған күнің құтты болсын, Аршат.
Ботаның буыршын шығатын күні бола ма?
Daniar-Alan
қайдасыз?
dark_nazgul
кеше бұл уақытта үйде болғам, қазір жұмыстамын)))
araika
бір қорап «Ирис» әкеліп берген
өтірік-ей, Ирис ирис болғалы қорапқа салынбаған
Erkekyz
Құтты болсын, Аршат ағай.