МБ немесе бір түрлі коктейль



Баян Есентаеваның «Ғашық жүректің» біріншісіндегі қарарман көрермендегіні дөп басуы ұнап еді. «Рэкетир» әкелген тың леп сияқты бір жаңашылдық байқап едім онысында. Кеше екіншісіне жұмыстан сытылып шығып барып қайтып едім.

Бұған дейін барғаныма өкініп, фильмнің бастауалды жиырма минутынан кейін тұрып кетіп қалған екі «кином» бар екен. Біріншісі бір жыл бойында әсіре жарнамаланған ана Шаолинь тәріздес тақырбас бала туралы (фильмнің атауы да есімде қалмапты), екіншісі – орыс кинематографиясындағы ең көп шығынды керектіргендердің бірі, ертегі жанрындағы Кончаловскийдің туындысы. «Щелкунчик» пе еді…

Баяннан тағы да ерекшелік, ұқсамаушылық күттім бе екен, мерекелік көңіл-күйге жақын бес минутсыз эйфориямен барып едім. Өзі, ары кетсе, бір жарым сағаттық кино. Алғашқы жиырма минутынан ары аса алмадым. Фильмді бастайтын сюжеттер тізбегі бірінен соң бірі опырылып жатты, қадалып қалғым келді, таппадым. Рас, Мейрамбегі бар, Заттыбек-тәттібегі бар, біріншісіндегі винегрет-оливьесін ұтымды шешім деп тапқансып еді киноман жамағат. Мынаусына да сол концепция тықпаланыпты. Марқұм, Құдайберген өз ролін келісті сомдап еді, мынаусында тағы сондай көріпкел-бақсы амплуасының болуы алдымен бір түрлілеу, сосын оны сомдаған апай, жалпы, сол апай мен Айгүл арасындағы бес минуттық әрекеттер актерлік орындалуы жағынан өте төмен, мағынасыздау болды. Мейрамбектің қасындағы Азамат театрдағы әжептеуір актер-ау деп едім, киноактер емес екен. Жасандылығы көзге ұрып тұрды. Еркін Мәуленді о бастан қабылдай алмайтындарданмын… Тура біріншісіндегідей Айгүлдің қарамағындағы әлгі бейбақ қыздың «новичокқа» әлімжеттік көрсететін тұсы да жаңа бір леп әкеле қойған жоқ. Копипаст. Мұндай кинодан ешқандай қантөгіс, шабыс, атыс күтпейсің ғой. Етті үйреттік (үйретпедік, дәлірегі). Бірақ тым құрғақтау басы. Эмоциямның бәрі фильмнің тек бастапқы жиырма минутына тиесілі. Одан кейін оқиғаның шиеленісуі қызық та шығар. Бірақ тек соңғы жарты сағаттағы апогей үшін ғана фильм түсіру, оған дейінгіні қиқым-шиқыммен нығыздап толтыру көрерменіңе деген бейәділдік.

Баянды осы фильмнің біріншісі, «Еларнадағы» ән мүшәйрасы үшін қатты сыйлаймын. Бірақ бұл «коктейлі» шикі шығыпты. Асығыс тірлік пе екен әлде… Сіздерге бармаңыздар деуден аулақпын. Біреуді баурап, басқасын баурай алмайтын, талғамға қарай құбыла беретін дүние ғой. Бірақ алданып қалған сияқты күй кештім. Киноөнеріміздің өрлеуін көксеушілерденмін. Келесіде мұндай таяздықтар ескерілсе екен.
Бөлісу:

69 пікір

asaubota
күтіп жүргем. екеуміздің кино дәміміз шамалас болғандықтан осы ескертпеңе рахметтен басқа айтарым жоқ.
salta
Нұрғиса, сіз киноны аяғына дейін көріпсіз, мен Айгүлдің әлгі түсініксіз бақсы болған әйелге келгеннін кейін шығып кеттім. Алғашқы кадрдан бастап-ақ жасандылық болды. Әлгі Азамат деген жігіт шынымен де қалай ойнау керектігін ұмытып, өмірде өзінің қандай адам екенін шатастырып алған сияқты. Мейрамбек нәзік жүректі жігітті сомдаймын деп жиіркенішті омарытқасыз біреуге айналғандай, ал Мөлдірдің талантына келсек, әнші болып қана қала бергені дұрыс осы «2» ден кейін… Айгүл Иманбаева — кім ол???!!! не әнші болып та, не актриса болып та қарық қылған емес… оның бағы жанып танымал болған Аббас Шахтың проекттерінде жүре бергені дұрыс еді. әріге тарта алмайтын ТАЛАНТ… менің тағы да жеке пікірім...
Nurgisa
Салтанат, мен жиырма минуттан кейін шығып кеттім.
salta
ағаттық кетті, кешіріңіз
Gulistan
Нүреке, рахмет рецензияңа. Енді «барсам ба, жоқ па» деп ойланып отырмын.
Nurgisa
Киноға түскендер уақыты тығыз адамдар шығар, жүрдім-бардым бір аура бар. Эхх, қайтадан Құрмаш түседі еске. Құрмаш құрлы ойнай алмады ешқайсысы.
Әнші — әнші, продюсер — продюсер болуы керек деп қай «керекші» айтып еді?
dark_nazgul
барғалы жүр едім. енді келесі жылы «еларнадан» көрсеткенде бірақ көрем))
asaubota
осында сілтемесін қоятын жақсы жігіттер аман болсын, біріншісін солардың арқасында үйде отырып қараған едік
sammita
Слава Нерушаның «По чесноку» шығарылымында Баян Есентаевамен сұхбат өтті. Алғашқы және екінші фильм туралы біраз әңгіме болды. Бірінші киноның идеясы пайда болған сәттен бастап кино жарыққа шыққан уақыты жарты жыл дейді. Мынаны да өзінше мақтап отырды 8 желтоқсанда көресіздер деп. Алғашқысына 350 мың доллар, екіншісіне 600 мың доллар (!) шамасында қаражат жұмсалған.

ПыСы: осы "-2" болып шығатын жалғас киноның тәуір шығуы (алғашқысымен салыстырғанда) өттте сирек.
omarbirat
ВиаГраны жыртады дегені өте батыл айтылды
sammita
аха, «неге біз басқа елге, ресейге қарауымыз, сонымен салыстыруымыз керек түсінбеймін!» дегені ұнады. Славаның түрінен-ақ көрініп тұр қазақтарға көзқарасы, Баянның ыңғайымен ғана әрең көніп өтірік күліп отырғаны
meirzhan
Сол кісі өзі біртүрлі жүргізеді. Бәріне көзқарасы жаман сияқты, сөзбен тиісіп
omarbirat
Бейформал болған түрі. Сұхбат берушілермен бір темада қозғалатын сияқты болып көрінгісі келеді, меніңше.
sammita
мақсаты сол сияқты.
Abilakim
егер бұл киноға «Керектің» қыздары мен жігіттерін түсірсе жігіттер өз рөлін жақсы алып шығып, қыздар жасандылыққа бой алдырар ма еді?
dark_nazgul
кешьюдағы Мөлдірге қарағанда Кәмшаты әлдеқайда әнші. Мөлдір даладай қылып аузын ашып, қолын көтере бергеннен басқа түк білмейд.
Abilakim
қазақтың қыздарынан құралған топтар ирелеңдеуге көп мән береді әннен гөрі
sammita
әркім өзіне керегін жетпейтінін көреді.
Abilakim
кеңк-кеңк)))Ішім пысып отыр
sammita
скандал іздеп отырғаныңды жасырма
TERISKEY
Кәмшат? Ол қайсысы еді?
dark_nazgul
ортада тұратын қыз ше)) анау қазаққа ұқсамайтыны емес
TERISKEY
негізі солардың (Мөлдірден өзге) атын дұрыс біле алмадым. Ең алғаш шыққанда үшеу еді, сол кезде Няйля болатын (қазіргі Биониктегі). Ол кеткен соң, ЖенПИді бітірген бір биші-әнші қыз қосылған болатын (өзі сүп-сүйкімді-ақ еді ше). Сөйтсем, о қасқа да кетқап, орнына жаңа тағы біреуі келіпті, Кәмшат дегені сол ма?
Zilola
Найля ен 1 шi курамда болмады. Сугiрдiн анiнен барып косылды, сенбесен алгашкы 3-4 клипiн карап кор.
TERISKEY
мяяя, сонда бұлар да мың құбылыпты ғо ауыса беріп.
salta
ВиаГрадан кем болсын ба…
Zilola
Алғашқы құрамдағы 3-ші қыз Ринго тобындагы (тобында болған Алан қателеспесем) жігітпен жүретін қыз.
Алғашқы «мама, помогои мне мама...», «100 дней любви», сосын тағы бір әнде осы қыз, кейін Нәйля қосылды да мына қзы жоғалды.
TERISKEY
енді білдім, басында Зумрад, сосын Няйля, сосын Кәмшат деген қыздар болған екен. Қазір басқа бір қызкен.
sammita
былай...«жұлдыз» қыздар туралы жақсы біліп қоясың, хоббиың ба
meirzhan
Мен де байқадым. жаңадан келген сияқты ма, бұрын көрінбейтін
dark_nazgul

отызыншы секундта пайда болатын қыз
TERISKEY
Мына составындағы кетқалған ғо, орнына басқа қыз кепті, Бүркіттің «Туған елім менің» деген клипінде көрінеді ол. Сосын Әлішер Кәрімовтың "«Махаббатсыз өмір бола ма?» деген коипінде ойнаған қыз — Кешьюдің қазіргі құрамын толықтырып жүр. Демек Кәмшат ол емес иә?
dark_nazgul
білмейм. әйтеуір "қазақ аруы" өткен кезде Кәмшат бар болатын.
meirzhan
3-ші қыз ауыса бергендіктен есте қалмапты. «Саз әлемінде» басқасы болатын.
Aizhantabyn
Ал менше сол топты топ қып, вокалды жағынан көтеріп жүрген Мөлдір сияқты. Әсіресе, Туркияда өткен байқауда көзге (құлаққ) оттай басылды.
Janasil
Осы демалыстар баруды жоспарлап жүр едім, мынадан кейін әпитет болмай қалды.
sammita
Нұрғисаны Баянға тошны айтам
araika
Премьерасы 7-сінде өткен соң, онан кейінгі күндерін қарап(kinopark-тан) таппай жүргем. Тіпті Керуенде 1-іншісі болып та жатты
Zhan
Өзің 20 минут-ақ көріп, елдің бәрін бездіріп, отандық фильмге антижарнама жасадың. Негізі аяғына дейін көргің келген, проста үйіңде кішкенай шақалақ жылап жатқан соң тайып тұрған шығарсың… А так…
sammita
осы бала тек трейлерін ғана көрген шығар, а
TERISKEY
Ал, маған ұнады!
Негізі дейм да, екіншісінде әзілге көп орын берілген секілді. Екіншісінде режиссерлік тізгінді Жасұлан Пошанов алыпты. Баянның бір сұхбатында айтқаны бар еді: «Асқар Ұзабаевпен бірге жобаны әрі алып кете беруге болатын еді, алайда мені басқа ой толғантты. Әр режиссердің түйгені әр түрлі. Асқардың не түйгені маған белгілі, оны „Ғашық жүрек — 1ден“ көре аламыз. Екіншісінде өзге режиссерді таңдау себебім, киноға басқа дәм, басқа әр қосады.»
Мына "Ғашық жүрек — 2" фильмін түсірген Жасұлан Пошановты жақсы танимын. Бізден 2класс жоғары оқыған. ОҚО, Бәйдібектің жігіті. Мектепте жүргенінен әзілге, сатира бір бүйрегін бұрып тұратын. Мектепте 7-11 сынып арасындағы талантты ұл-қыздарды жинап, «Жұдырық» деген театр құрып, режиссерлық жолға сол сәтте-ақ бетбұрыс жасап жүретін. Кейін комедия кино түсірем дейтін. Ақыры мектеп бітірген соң, Жүргеновте оқыды. «Жел қызы» деген филм түсіріп, «Дидар» фестивалінде ғой дейм, бас жүлде алды.
www.presidentfoundation.kz/ru/activity/tvor/videos/2009/004/ — мына жерден де таныса ааласыз бұл жігіттің еңбегімен.
sammita
Ал, маған ұнады!
ал енД оң аяғыңды сол бүйрегіңе қойып айтшы, несімен ұнады?
Мына пікірден Жасұланды танитыныңды ғана ұқтым
TERISKEY
Несімен ұнады?
Айгүлдің актерлік шеберлігі мен Мөлдірдің аз да болса ысылып, рөлге еркін кіре алғаны қуантты. Авторлардың көздегені комедиялық образдың сәтті шығуы болған екен, сәтті-ақ шыққан! Жадыраның (Жанар Дугалова) вокалдық шеберлігіне тіптен ризаааааааааа бодым, не деген дауыс, Құдай-ау! Мейрамбектің рөлдегі жасандылығы тіптен ұнаған жоқ!
dark_nazgul
шешесін тапты ма сонымен Мөлдір?
TERISKEY
шешесі туралы ващее әңгіме де қозғалмайды бұл фильмінде
manfan
жұрт не десе о десін маған ұнады.
Onlasyn
Сіздерге бармаңыздар деуден аулақпын. Біреуді баурап, басқасын баурай алмайтын, талғамға қарай құбыла беретін дүние ғой.
дегенмен жазбаны ертерек жазып қойдың-ау дейм
dark_nazgul
Өз басым бірінші бөліміндегі Баян мен Айгүлдің массаждағы диалогынан өлдім  қайдан тапса да, кім ойлап шығарса да, өлтірді, нақ-нақ)))
araika
Бұл бөлімінде де ондай диалгтар өз жалғасын табады
VKM
Интернетте шықса көрермін, ал әдейі бармаймын
Aizhantabyn
спойлер болдым деп ойламайсыз ба, аға?
Erkekyz
Біріншісі бір жыл бойында әсіре жарнамаланған ана Шаолинь тәріздес тақырбас бала туралы (фильмнің атауы да есімде қалмапты),
Повелитель стихий шығар. Мен де фильмнің соңына дейін шыдай алмағам.
araika
Мен бүгін көріп келдім және жеке пікірім былай қалыптасты: Бұл мелодраманы құртып тұрған — дауыстағы кінәрат. Әсіресе, Мөлдірдікі. Тым жасанды, қарным ашып отырды Баян мен Айгүлдің рөлдері сәтті шыққан. Қысқасы, маған ұнады.
araika
Фильмнің соңында Мейрамбек пен Мөлдірдің дуэт боп орындаған әні қалай аталады? Кім біледі?
meirzhan
Викторина жүргізіп жатсың ба?
araika
Иә дейін бе?
Сізден жауап бар ма? Маған сол ән ғана ұнады.
meirzhan
2-ші бөлімін көрген соң айтам.
Дуганованың «Сюемдеш-и» деген әні жақсы.
araika
2-ші бөлімін көрген соң айтам
ол кезге дейін жеңімпаз анықталып кетеді.
Дугалова деш Әнді бейнебаянымен қабылдаған соң, біраз минусталып кетті.
meirzhan
МР3 нұсқасын тыңдау керек онда. Менде аудиосы бар. Бірақ тыңдағанда
«ақшаң бар ма?! дымың да жоқ»
«Говори что хочешь!» деген сияқты диалогтар естіліп қалад та
AKA
Мейіржан кивиге жүктепті, міне

AKA
"Ғашық арман" әні, міне