Есімде еді

Есімде еді, есіңде еді,
Бізбен бірге талдардың шешінгені.
Қимылымды құп алып, қарсы болмай,
Кінәлі ғып тастадың сосын мені.
Есіңде еді, есімде еді,
Тұсауыңның әп-сәтте кесілгені.
Өміріңді бір күнде тәрк етіп,
Талап еттің тағы да сосын нені?
Есімде еді, есіңде еді,
Іңірде емес, кәдімгі бесінде еді.
Мен емеспін, алдымен сен қаладың,
Сол үшін де күнім ау кешір мені.
Есімде еді, есіңде еді,
Күңіренген жиектің тосын демі.
Ашық аспан астында… болды бәрі,
Есімде еді, есіңде еді…
Кұлы болып күдіктің,
Мен бәрін ұмыттым,
Сен де ұмыт!
Табиғат АБАИЛДАЕВ